Бенфика е многу блиску до потпис на бразилскиот напаѓач Маркос Леонардо од Сантош. Лисабонските „орли“ доставиле понуда за 20-годишниот стрелец, која е прифатена од клупското раководство на Сантош.
Португалскиот клуб ќе плати 18 милиони евра за правата на Маркос Леонардо. Двата клуба ги финализираат деталите од зделката, по што напаѓачот ќе отпатува во Лисабон за да го комплетира својот трансфер.
Маркос Леонардо е играч од младинската академија на Сантош и важи за еден од најголемите таленти во Бразил.
Напаѓачот има вкупно 168 натпревари за Сантош, на кои постигна 54 голови и забележа 11 асистенции.
