Аргентинскиот ас Анхел Ди Марија е нов фудбалер на Бенфика. Тој потпиша едногодишен договор со опција за продолжување на соработката.
Ди Марија беше член на Бенфика во периодот од 2007 до 2010 година. Тогаш во Лисабон пристигна од аргентинскиот клуб Росарио за 8 милиони евра.
Сега во Бенфика сега доаѓа од Јувентус, а во кариерата настапуваше за Реал Мадрид, Манчестер Јунајтед и за Пари Сен Жермен.
За време на неговиот прв период во Бенфика, Ди Марија одигра 121 натпревар за клубот, постигнувајќи 15 голови и 28 асистенции.
