Играчот од средниот ред на Милан, Исмаел Бенасер, е успешно опериран, соопшти клубот преку официјално соопштение.
Лошата вест за „росонерите“, сепак, е што алжирскиот интернационалец ќе биде надвор од терените шест месеци.
Бенасер се повреди на првиот полуфинален меч против Интер (0-2) и беше принудно заменет во 18. минута.
„Милан објавува дека Исмаел Бенасер утрово во Лион го оперираше десното колено. Поправката на лезијата на ‘рскавицата беше успешно изведена од д-р Бертранд Сонери Коте во присуство на клупскиот лекар на Милан, д-р Стефано Мацони. Времето за опоравување се проценува на најмалку шест месеци“, се вели во официјалното соопштение на „росонерите“.
Исмаел Бенасер оваа сезона има 40 настапи и три гола за Милан во сите натпреварувања.
