Долги 11 натпревари чекаше Беласица за првата победа по враќањето во елитата. И успеа да ја оствари кај соседот Академија Пандев, на само стотина метри од стадионот „Младост“ и тоа на отворањето на комплексот на Горан Пандев.
Мора да се биде искрен, им помогна и голманот на Академија Пандев, Марко Алчевски, кој немаше свој ден, направи две големи грешки по кои Зоран Митевски и посебно Стефан Сулев ги постигна головите за постариот струмички клуб.
По триумфот и победничка фотка за Беласица – и тоа во гнездото на Пандев.
