Фудбалската репрезентација на Македонија се наоѓа на 48 часа пред историскиот прв натпревар на европските првенства. Прв ривал е Австрија, а потоа ќе следат и мечевите со Украина и со Холандија. Дефанзивецот Егзон Бејтулаи вели дека „црвено-жолтите“ се подготвени за надигрување со ривалите.
„Среќни сме што сме дел од Европското првенство. Тоа е и голема обврска, да одиграме најдобро што можеме и да стигнеме до позитивен резултат. Ги одбројуваме часовите до првиот меч против Австрија и максимално сме мотивирани. Верувам дека ќе продолжиме со добри игри и на ЕВРО“, вели Бејтулаи.
Тој е подготвен за надигрување со најдобрите европски офанзивци.
„Ривалите имаат добри напаѓачи, но и ние имаме добри дефанзивци. Притисокот е голем, но ние како фудбалери сме научени да се носиме со предизвикот. Веруваме дека Македонија може многу на ова првенство“, истакна Бејтулаи.
Македонија Ѓорче Петров
Македонија ЃП се засили со Босанецот Мирсад Рамиќ
Тимови
