Репрезентативниот стопер Егзон Бејтулаи ја напушта Шкендија, потврди клубот на официјалниот сајт. Тој го одработи договорот со актуелниот првак и се очекува во зимскиот преоден рок да направи трансфер во странство.
Покрај Бејтулаи, од Шкендија заминуваат и Зени Хусмани, кој спогодбено го раскинува договорот со клубот од Тетово, како и Шефит Шефити, Јакуп Бериша и Салејдин Мустафи, кој почнува тренерска кариера.
Фудбалерите на Шкендија во две групи ќе ги одработат медицински тестови во Приштина, а потоа ќе тренираат во Тетово до 23.јануари. Следната фаза до 8.февруари ќе биде реализирана во Анталија, Турција.
