Велшкиот интернационалец Герет Бејл повторно е тема во Англија. Одигра неколку натпревари на потребното ниво, но во глобала неговото доаѓање во Тотенхем на позајмица не му донесе екстра квалитет на тимот. Но, тој не е премногу загрижен, вели дека ќе се врати во Реал Мадрид по завршувањето на сезоната затоа што има уште една година од договорот со „кралскиот клуб“.
„Имам уште една сезона од договорот со Реал Мадрид. Ќе се вратам таму, тоа е мојот план. Дојдов во Тотенхем само за да имам поголема минутажа и да бидам подготвен за Европското првенство“, изјави Герет Бејл.
Тотенхем добро ја почна сезоната, но потоа падна во резултатска криза, а доживеа и елиминација од Динамо Загреб во Лигата на Европа.
