Барселона сака да ја исправи грешката со Дани Олмо

Крилниот напаѓач на Лајпциг, Дани Олмо, најверојатно ќе го напушти клубот на крајот на сезоната. Според „Билд“, фаворит за потписот на Шпанецот е Барселона. Неговата вредност во моментот изнесува околу 60 милиони евра.

Олмо е играч од младинската академија на Барса, но во 2014 година се пресели во Динамо Загреб, каде што се проби во сениорскиот фудбал.
Шест години подоцна, тој потпиша со РБ Лајпциг и се наметна како клучен играч во тимот, а стигна и до шпанската репрезентација.