Трансферот на Роберт Левандовски од Баерн Минхен во Барселона ќе се случи многу брзо, тврдат шпанските медиуми. Каталонците веќе подготвуваат понуда вредна 50 милиони евра, која треба да биде прифатена од раководството на баварскиот клуб.
Првите две понуди на Барса беа одбиени, но по последните потези на раководството за подобрување на финансиската состојба на клубот, „Камп Ноу“ може да си дозволи да ја понуди сумата што ја бара Баерн.
Тренерот Чави Хернандез имал разговор со претседателот Жоан Лапорта по Генералното собрание на клубот во четвртокот и уште еднаш инсистирал да ги доведе Роберт Левандовски и дефанзивецот на Севилја, Жул Кунде. Чави сака тие двајца да бидат во тимот за претсезонската турнеја во САД.
За Левандовски се интересираат и Челси и Пари Сен Жермен, но Полјакот е категоричен во желбата да се пресели во Барселона. Тој веќе ги договорил своите лични услови.
