Раководството на Барселона би можело да се премисли и да му понуди нов договор на капитенот Серхи Роберто на лето поради неговите добри игри од почетокот на сезоната, тврди шпанското издание „Релево“.
32-годишниот Роберто имаше многу повреди во последните сезони, но имаше неколку клучни настапи оваа сезона.
Актуелниот договор на Серхи Роберто со Барселона истекува на лето. Раководството на клубот не ја исклучува можноста да го задржи Серхи Роберто во составот и за следната година.
Самиот Роберто претпочита да остане во Барселона под исти услови и наскоро се очекува да има средба меѓу неговите агенти и раководството на Каталонците.
