Каталонскиот гигант Барселона го сака португалскиот напаѓач Гонзало Гуедеш како замена за Мемфис Депај, кој се сели во Атлетико Мадрид, пишува „Ас“.
Тој треба да дојде на шестмесечна позајмица поради рестрикциите на Барселона за финансискиот фер-плеј, додека зделката би вклучувала и опција за купување по завршувањето на сезоната.
Тоа би било најдоброто можно сценарио во моментов за Барселона со оглед дека Гуедеш треба да донесе квалитет на левата страна. Има брзина, одличен шут и претходно играчко искуство во Шпанија каде ги бранеше боите на Валенсија пред да се пресели во Пари Сен Жермен.
