Барселона сака да го доведе Дензел Дамфрис, но во моментов не може да си дозволи трансфер на дефанзивецот на Интер поради финансиските ограничувања, јавува „Мундо Депортиво“.
Холандскиот репрезентативец, кој има 29 години, одлично се вклопува во тактиката на шпанскиот шампион, но откупната клаузула за него изнесува 25 милиони евра, што е премногу висока сума за Барселона.
Дамфрис има договор со Интер до крајот на сезоната 2027/28. Тој пристигна меѓу „нероаѕурите“ од ПСВ Ајндховен во 2021 година.
Раководството на каталонскиот клуб има намера да доведе уште еден голман и еден крилен играч. Откако пропадна трансферот на Нико Вилијамс, сега Барса разгледува други опции.
