Барселона делува како казнена експедиција на стартот од Ла Лига. Тимот на Ханси Флик ја оствари петтата победа во исто толку натпревари, откако славеше убедливо против Џирона со 1-4. Бојан Миовски остана на клупата за резерви во домашниот тим.
Ламин Јамал со два гола, во 30. и во 37.минута донесе солидна предност за Барса, а на почетокот на вториот дел Дани Олмо погоди за 0-3. Веќе беше јасно кој ќе ги освои бодовите.
Педри во 64.минута постигна и четврти гол за Барселона, а Стуани до крајот постигна почесен погодок и за Џирона.
