Тренерот на Барселона, Ханси Флик, дефинитивно нема да ја води екипата од клупата во неделното дерби против Реал Мадрид. Жалбата против црвениот картон што го доби во претходниот натпревар против Џирона беше одбиена и од Спортскиот административен суд.
Ханси Флик беше казнет поради два жолти картони за несоодветно однесување кон судијата.
Првично, шампионот се обиде да го поништи дисциплинскиот прекршок преку Дисциплинската комисија, но обидот не успеа. Потоа следеше жалба пред Спортскиот административен суд, кој исто така ја потврди одлуката на судијата на теренот.
На „Бернабеу“ тимот ќе го предводи помошникот на Флик, Маркус Зорг, додека германскиот стратег ќе ја следи средбата од друга зона на стадионот, во постојана комуникација со својот стручен штаб, јавува „Мундо Депортиво“.
