Македонскиот репрезентативец Енис Барди истакна дека е среќен поради триумфот на својот тим Трабзонспор во дербито против Фенербахче (2-0). Тој влезе во игра во второто полувреме, а Трабзон по триумфот се врати во трката за титулата во Турција.
„Среќни сме поради победата над првопласираниот тим на табелата. Нашата цел е да победуваме на секој меч и ќе се бориме за титулата до крајот. Знаеме дека ќе биде тешко и дека има огромна конкуренција, но не се откажуваме од нашите цели. Трабзон е подготвен за борба“, изјави Енис Барди.
Турските медиуми најавуваат дека Барди можеби ќе замине од Транбзонспор оваа зима, но засега македонскиот репрезентативец не се оптоварува со таквите шпекулации.
