Барди погоди, Пандев се закани: Македонија води 1-0 против Лихтенштајн (ВИДЕО)

Фудбалската репрезентација на Македонија има минимално водство од 1-0 против аутсајдерот Лихтенштајн по првото полувреме од првиот дуел на домашен терен во квалификациите за Светското првенство во Катар 2022 година. Енис Барди во седмата минута донесе предност откако од слободен удар откосо од левата страна го изненади гостинскиот голман Бенјамин Бухел. Пет минути подоцна Барди од вториот слободен удар ја погоди гредата.

Не беше Македонија премногу креативна, не го пробива лесно бункерот на Лихтенштајн. Се закани и капитенот Горан Пандев по половина час игра откако Радески со гради му ја спушти топката на шут од 15 метри. Но, Бухел го одбрани неговиот удар.