Фокусот на Ла Лига денеска е кон Валенсија каде во градската пресметка силите ќе ги одмерат Леванте и Валенсија. Тимот на Енис Барди посакува триумф, македонскиот репрезентативец потенцира дека победата во градското дерби е секогаш посебно чувство.
„Дербито на Валенсија е посебна инспирација. Мотивите се максимални, сакаме да ги израдуваме нашите фанови. Подготвени сме за предизвикот“, вели Енис Барди.
Леванте во моментот се наоѓа на 11. позиција на табелата со 32 бода, а Валенсија е место подолу. Двете екипи немаат големи грижи околу опстанокот, па можат да се фокусираат на допадлив фудбал.
