МАКФУДБАЛ во Разград,
Македонија е пред нов предизвик во Лигата на нации, се надева на првото место и во овој нов циклус од Лига Ц, а прво искушение е селекцијата на Бугарија.
Како предводник со капитенската лента утре тимот ќе го поведе Енис Барди, со оглед дека Стефан Ристовски отсуствува поради повреда.
„Единствениот пат кога бев капитен, дадов три гола. Немаме некој посебен ритуал, јас често знам да кажам дека сите сме капитени, односно многу важни играчи во оваа репрезентација и дај боже да имаме утре добар ден и да одиграме добар натпревар. Не очекуваат важни натпревари, четири во низа и ќе дадеме максимум за да оствариме добри резултати. Верувам дека утре ќе стартуваме позитивно“, изјави Енис Барди.
Натпреварот меѓу Буарија и Македонија на „Лудогорец Арена“ е закажан за утре, со почеток во 18 часот.
