Контроверзниот италијански напаѓач Марио Балотели даде интересен коментар по ремито 0-0 меѓу Украина и Италија. „Сквадра Аѕура“ се пласираше на Европското првенство каде ќе ја брани круната освоена пред три години, а асот на Адана верува дека има место за него во националниот тим.
„Кога сум здрав, се уште сум најдобриот италијански напаѓач. Сакам да се вратам во репрезентацијата. Секогаш се надевам на покана”, изјави Балотели.
Марио ја коментираше и играта на двајцата напаѓачи кои играа на неговата позиција.
„Дали Скамака и Распадори беа дури и на теренот? Колку шутеви упатија заедно? Два? Сѐ ви е јасно“, истакна Балотели.
