Германскиот гигант Баерн Минхен оваа сезона остана без ниту еден трофеј, па раководството на клубот се вклучи во потрага по нов тренер и по нови засилувања. Една од главните цели е Бруно Фернандеш, португалскиот интернационалец кој е член на Манчестер Јунајтед. За него се говори дека сака да го напушти „Олд Трафорд“.
Тимот кој од клупата го предводи Ерик Тен Хаг е на осмото место на табелата, а како што стојат работите Манчестер Јунајтед во следната сезона би можел да остане без Европа. Одамна е јасно дека нема да игра во Лигата на шампионите, па ѕвездите сакаат да си заминат и да бидат дел од елитното европско клупско натпреварување.
За Бруно Фернандеш голем интерес покажала Барселона, но и два клуба од Саудиска Арабија, Ал-Хилал и Ал-Итихад.
Сепак, засега Баерн Минхен е најсериозна опција за Португалецот.
