Германскиот гигант Баерн Минхен ќе направи последен обид да го официјализира трансферот на играчот од средниот ред на Фулам, Жоао Палиња, информира „Скај Спорт“. Баварците се подготвени да понудат 45 милиони евра за 28-годишниот Португалец, а двете страни се оптимисти за договорот.
Играчот за врска веќе се има договорено со Баерн Минхен за условите од личниот договор.
Минатата сезона Палиња одигра 40 натпревари во сите натпреварувања, постигна четири гола и направи една асистенција. Цената на играчот е 55 милиони евра, а договорот му е до летото 2028 година.
