Баерн Минхен е најновиот клуб што ќе се обиде да ја купи младата ѕвезда на Аталанта, Расмус Хојлунд во летниот преоден рок. 20-годишниот Данец е едно од откритијата на сезоната во Серија А и многу клубови веќе се наредија за неговиот потпис, а меѓу нив е и германскиот гигант, тврди „Туто Аталанта“.
На „Алијанц арена“ им треба засилување во нападот, каде во моментов единствен типичен центарфор по заминувањето на Роберт Левандовски е Ерик Максим Чупо-Мотинг. Камерунецот се снајде добро во таа улога, со 17 гола од почетокот на сезоната, но тој има 34 години и клубот е свесен дека им треба свежа крв, а Хојлунд би бил идеален избор за подолг период.
Хојлунд беше донесен во Аталанта од Копенхаген во летото 2022 година и веќе во првата сезона почна да го покажува својот огромен потенцијал. Досега има 14 гола на 34 натпревари во сите натпреварувања. Со добрите игри стигна и до репрезентацијата на Данска за која веќе има пет гола на првите четири натпревари.
Баерн Минхен е подготвен да издвои 50 милиони евра, но тоа можеби и нема да биде доволно со оглед на огромниот интерес за него. Манчестер Јунајтед, Јувентус, Арсенал и Реал Мадрид исто така го следат младиот играч и се подготвени да започнат трансферна војна за неговиот потпис на лето.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski