Баерн Минхен покажува сериозен интерес за големиот талент на Милан, Франческо Камарда. 16-годишниот напаѓач веќе го имаше своето деби во Серија А, а експертите му предвидуваат светла иднина.
За него сериозно се заинтересира Баерн Минхен и сака да го привлече во својата академија.
Камарда оваа сезона запиша 12 минути во првиот тим на „росонерите“.
Во тековната сезона, напаѓачот има вкупно 33 натпревари за младинскиот тим на Милан, на кои постигна 12 гола и забележа четири асистенции.
Камарда е проценет на 10 милиони евра.
