Фудбалерот за врска на Баерн Минхен, Жоао Палиња, ќе биде надвор од игра во наредните неколку недели. Дефанзивниот играч за врска добил повреда на адукторот за време на тренинг со португалската репрезентација, потврди баварскиот клуб.
Германскиот бундеслигаш не наведе конкретен рок за закрепнувањето на Палиња, но истакна дека ќе отсуствува неколку недели. Медиумите тврдат дека ќе биде подготвен за игра во јануари.
Жоао Палиња се пресели во Баерн Минхен летово од Фулам за нешто повеќе од 51 милион евра. Досега оваа сезона одигра 13 натпревари во сите натпреварувања.
