Баерн Минхен го декласира Шалке со 6-0 и во моментот има четири бода предност пред Борусија Дортмунд на врвот на табелата во Бундес-лигата. Томас Милер и Џошуа Кимих од пенал најавија триумф во првото полувреме, а потоа стрелаа и Гнабри двапати, Тел и Мазрауи.
Унион Берлин ја доби големата битка против Фрајбург за пласман во ЛШ и славеше со 4-2. Шералдо Бекер беше двоен стрелец, а за домаќинот погодија и Беренс и Лаидуни. За Фрајбург стрелци беа Гулде и Грифо.
Бохум оствари важен триумф (3-2) во трката за опстанок против Аугсбург, а Волфсбург беше подобар од Хофенхајм со 2-1. Ајнтрахт Франкфурт го победи Мајнц со 3-0.
