Баерн Минхен ќе го продолжи договорот со францускиот дефанзивец Лукас Хернандез, пренесува „Билд“. По завршувањето на Светското првенство, баварскиот клуб и Французинот ќе потпишат нов договор.
Актуелниот договор на играчот е до летото 2024 година.
Дефанзивецот се здоби со сериозна повреда, кинење на предните вкрстени лигаменти на десното колено на првиот натпревар на Франција од групната фаза на Светското првенство против Австралија (4-1).
Тој е опериран и се очекува да паузира најмалку шест месеци.
