Баерн Минхен и Јувентус се првите две екипи кои по четвртото коло успеаја да обезбедат пласман во нокаут фазата во Лигата на шампионите. Баварскиот клуб и „старата дама“ имаат максимални четири победи досега.
Неверојатно импресивен е составот на Џулијан Нагелсман. Баварците имаат четири триумфи и гол разлика 17-2. Вечерва ја декласираа Бенфика со 5-2, откако и во Лисабон ја совладаа претходно до 0-4.
Јувентус исто така има 12 бода по четири одиграни меча. За разлика од Серија А, тимот на Масимилијано Алегри покажа класа на натпреварите од елитното европско клупско натпреварување.
