Германскиот првак Баерн Минхен го претстави португалскиот интернационалец Рафаел Гереиро како ново засилување. Тој доаѓа од Борусија Дортмунд, но како слободен агент, а со Баварците потпиша до јуни 2026 година.
„Кога добив повик од Баерн Минхен, одлуката беше лесна. Чест е да се игра за овој голем клуб, исто така имам високо мислење за Томас Тухел. Јас сум играч кој постојано ја бара топката, идејата е да се контролира играта и сакам да креирам шанси. Ќе го дадам максимумот за да освоиме што е можно повеќе титули. Тоа е филозофијата на Баерн“, изјави Гереиро за официјалниот сајт на клубот.
