Баерн Минхен нема да може да го користи крилниот напаѓач Лирој Сане за денешното гостување кај Фрајбург, пренесуваат германските медиуми. Репрезентативецот има проблеми со коленото и не се опорави навреме.
Баерн ќе направи сѐ за да го подготви Сане за реваншот од Лигата на шампионите со Лацио на 5 март. Се очекува вечерва меѓу стартерите да биде заменет од младиот Французин Матис Тел.
Менаџерот Томас Тухел денеска ќе има голем број кадровски проблеми, а повредени се и Серж Гнабри, Кингсли Коман, Нусаир Мазрауи и Саша Бои, а Матијс де Лихт е суспендиран.
Добрата вест е враќањето на Алфонсо Дејвис во тимот.
