Баерн Минхен и Интер постигнаа целосен договор за сите детали околу трансферот на Бењамин Павар. Вчера се шпекулираше дека директорот на „нероаѕурите“, Џузепе Марота, ги повикал своите колеги во Минхен и им дал ултиматум до попладнево да донесат одлука за трансферот.
Токму тоа се случи денеска кога челниците на Баерн Минхен дадоа зелено светло за комплетирање на трансферот. Интер ќе плати 30 милиони евра за Павар, плус бонуси.
Французинот се очекува најдоцна до утре да отпатува за Милано, по што ќе ги помине задолжителните лекарски прегледи и ќе го потпише договорот. Дефанзивецот реши цврсто да го напушти Баерн Минхен и го извести раководството на тимот уште по завршувањето на сезоната, но неговата продажба се реализира дури сега.
Се очекува шампионот во Бундес – лигата да доведе замена за Павар во наредните денови, а најчесто се споменува името на Тревох Чалоба.
