Фудбалската репрезентација на Австрија, нашиот прв противник на Европското првенство, не успеа да оствари победа ниту на вториот пријателски натпревар пред заминувањето за Букурешт. По поразот од Англија (1-0), Австријците денеска во Виена ремизираа без голови против Словачка.
Очигледно дека селекцијата на Франко Фода и не е голгетерски расположена пред стартот на ЕП, што секако треба да оди во прилог на Македонија. Австријците двапати ја погодија стативата, беа подобар противник, но словачкиот голман Дубравка беше расположен и не дозволи да се тресе неговата мрежа.
