Македонскиот интернационалец Даниел Аврамовски го напушти Сараево, а веќе е позната неговата следна дестинација. Тој повторно се враќа во Турција и ќе го облече дресот на турскиот второлигаш Болуспор.
Офанзивецот и претходно играше во Турција, во Кајзеризпор, а во Македонија настапуваше за Работнички, Вардар и за Македонија ЃП.
Во Србија, Аврамовски беше член на Црвена Звезда, Војводина и на ОФК Београд, а дел од кариерата мина и во Олимпија Љубљана.
