Македонскиот репрезентативец Даниел Аврамовски потпиша двегодишен договор со Сараево и во иднина ќе го носи „бордо“ дресот на култниот клуб од БиХ.
„Среќен сум што доаѓам во Сараево. Тоа е одличен клуб со уште подобри навивачи“, изјави Аврамовски.
Тој повторно ќе соработува со Александар Васоски кој се радува што ќе го има одличниот офанзивец во тимот.
„Успеавме да ангажираме одличен фудбалер, македонски репрезентативец. Има навистина опасна левица и сигурен сум дека ќе има задава многу мака на противниците“, изјави Васоски.
