Македонскиот интернационалец Даниел Аврамовски одигра одличен меч за Болуспор во триумфот од 3-1 против Алтај во 32. коло од турската Прва лига.
Алтај поведе во завршницата на првото полувреме, а потоа Болуспор направи комплетен пресврт, благодарејќи на Аврамовски.
Тој погоди за 1-1, потоа му асистираше на Оуларе за 2-1, по што беше стрелец и на третиот погодок за Болуспор.
Аврамовски досега постигна седум гола и забележа една асистенција за Болуспор во турското првенство.
