Шпанскиот првак Атлетико Мадрид го комплетираше трансферот на бразилскиот напаѓач Матеус Куња од Херта. Германскиот бундеслигаш ќе добие 30 милиони евра отштета, а фудбалерот потпишува договор до 2026 година.
Откако пропадна можноста за ангажман на Душан Влаховиќ од Фиорентина, раководството на Атлетико Мадрид се одлучи да го доведе Матеус Куња. Тој веќе ги мина медицинските прегледи и многу брзо треба да биде претставен како нов фудбалер на шпанскиот клуб.
