Атлетико Мадрид објави дека клубот потпишал договор со турскиот интернационалец Чаглар Сојунџу. Централниот дефанзивец пристигнува од испаднатиот тим од Премиер – лигата, Лестер, на слободен трансфер. Тој потпиша на четири сезони.
27-годишниот Сојунџу се пресели во Лестер во 2018 година, каде што помина пет сезони.
Сојунџу минатата сезона одигра само девет натпревари и постигна еден гол за „лисиците“, мачејќи се со чести повреди и редовно останувајќи на клупата.
За турската репрезентација има 53 натпревари и два постигнати гола.
Сојунџу стана второто летно засилување за тимот на Диего Симеоне, откако Атлетико Мадрид веќе го ангажираше левиот бек на Селта, Хави Галан.
