Астон Вила стигна до 17. победа во Премиер – лигата оваа сезона, но се намачи за да го совлада Лутон на гости со 2-3, иако тоа делуваше многу лесна задача по првото полувреме.
Оли Воткинс со два гола обезбеди предност од 0-2 на полувремето, а Лутон речиси и да беше безопасен по голот на Емилијано Мартинез.
Но, во вториот дел Лутон тргна на сѐ или ништо и успеа да израмни. Во 66.минута Чонг намали на 1-2, а шест минути подоцна Морис донесе израмнување.
Сепак, Унаи Емери направи неколку замени, во игра ги уфрли Дијаби и Лукас Диње и тие го решија мечот. Првиот асистираше, а Лукас Диње со удар со глава во 89.минута постигна победнички гол за Астон Вила која го чува четвртото место на табелата кое води во Лигата на шампионите.
