Челси загуби на „Стемфорд бриџ“ од Арсенал (2-4) во лондонското дерби, а тоа фановите на „сините“ не го прифатија на добар начин. Капитенот Цесар Аспиликуета незадоволен од реакцијата на дел од навивачите, влезе во кавга со нив.
Челси се наоѓа во сложена ситуација, фудбалерите и стручниот штаб се оставени сами да се борат со многу проблеми откако британската влада воведе санкции кон рускиот тајкун Роман Абрамович, но и кон клубот од „Стемфорд бриџ“.
Аспиликуета беше стрелец на еден од двата гола за Челси, но Арсенал оствари важен триумф против градскиот ривал.
