Реал Мадрид ја победи Мајорка со 4-1 во петтото коло од Ла Лига и го задржа максималниот ефект. Но, головите на „кралевите“ останаа во втор план по реакцијата на Марко Асенсио. Тој на крајот шутираше топки и фрли шише со вода на клупата откако беше испратен на загревање, а не влезе во игра.
Асенсио се надеваше на минутажа, но од клупата влегоа Начо, Модриќ, Камавинга и Карвахал. Италијанскиот тренер Карло Анчелоти на овој натпревар не најде простор за Асенсио, што многу го налути Асенсио.
Асенсио го шутна шишето со вода и налутено седна на клупата.
„Асенсио е лут затоа што не игра? Се согласувам со него, ќе го имам тоа на ум“, изјави Анчелоти по победата на Реал.
Оваа сезона Марко Асенсио одигра само 17 минути на два натпревари за Реал. Анчелоти не го гледа во најтесните комбинации за првиот тим. Асенсио сакаше да го напушти Реал Мадрид во летниот преоден рок, но тоа не се случи.
