Арсенал на драматичен начин го победи Лутон со 3-4, со голот на Деклан Рајс во последните моменти од натпреварот. Радоста на „топчиите“ беше огромна, но тоа ќе му наштети на менаџерот Микел Артета.
Тој доби жолт картон, кој е негов трет од почетокот на сезоната, по што следува и автоматска суспензија од еден натпревар.
Ова значи дека Артета нема да може да го води тимот на следниот натпревар, на гости против Астон Вила в сабота.
„Не внимавав, беше тоа чиста емоција. Но, ако е тоа за жолт картон, нека биде така“, искоментира Артета.
