Арсими го доведе и Башким Велија

Арсими продолжува со засилувањата во пресрет на својот премиерен настап во ПМФЛ. Тимот од Чегране го ангажираше Башким Велија, кој минатата сезона настапуваше за Беса.

Станува збор за искусен десен бек на 31 година, кој има и интернационално искуство, играјќи во албанскиот клуб Лачи. Покрај тоа, Велија настапувал и за двата тетовски клуба, Ренова и Шкендија.

Велија е шестиот нов играч кој му се приклучува на Арсими по Армин Бешагиќ, Леонид Игнатов, Амер Дрљевиќ, Габриел Тенлеп и Мирнел Хуриќ.