Арсенал успеа да направи пресврт на „Емирати“ и да го добие лондонското дерби против Тотенхем. Ерик Ламела со спектакуларен гол со „рабона“ донесе водство за тимот на Жозе Мурињо во 33.минута, но пред истекот на првиот дел израмни Мартин Одегард.
„Топчиите“ стигнаа до пресврт во вториот дел со голот од пенал на Александре Лаказет во 64.минута од дуелот. По овој триумф, Арсенал се наоѓа на десеттата позиција на табелата во Премиер – лигата со 41 бод.
