Арсенал влезе во подобар ритам во Премиер – лигата, се доближи до горниот дел од табелата, а сака и дополнително да се засили во зимскиот преоден рок. Менаџерот Микел Артета би сакал да го има во тимот офанзивецот на Лајпциг, Кристофер Нкунку, пренесуваат медиумите на Островот.
23-годишниот Французин игра одлично оваа сезона и го привлече вниманието на европските гиганти. Од почетокот на сезоната има постигнато девет гола и реализирано пет асистенции на 14 натпревари за Лајпциг.
Арсенал во Нкунку го гледа решението за навалната линија по најавеното заминување на Александре Лаказет.
