Арсенал е многу заинтересиран за Сергеј Милинковиќ-Савиќ и сака да го доведе веќе во зимскиот преоден рок. Српскиот играч за врска оваа сезона игра одлично во Лацио и на 15 натпревари во сите натпреварувања постигна четири гола и забележа седум асистенции.
Милинковиќ-Савиќ, кој во февруари ќе наполни 27 години, е на радарот на Јувентус, Ливерпул и Манчестер Јунајтед, но „Калчомеркато“ тврди дека Арсенал има предност што може да им помогне да го придобијат. Англичаните наводно се подготвени да платат 60 милиони евра и да го испратат Сами Локонга во Рим, кој дојде летото 2021 година за 17,5 милиони евра, но не се снајде на „Емирати“.
„Се шпекулира дека веќе сум договорил трансфер со неговиот агент Матеј Кежман, но тоа не е точно. Сергеј минатиот месец вредеше 100 милиони евра, а сега вреди 120 милиони евра. Неговата цена ќе се зголемува секој месец“, изјави неодамна претседателот на Лацио, Клаудио Лотито.
Милинковиќ-Савиќ во Лацио пристигна во 2015 година од Генк за 15 милиони евра. За Лацио одигра 309 натпревари на кои постигна 62 гола со 58 асистенции, а стана стандарден репрезентативец на Србија, за кој забележа 35 настапи и постигна шест гола.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski