Арсенал внимателно ја следи ситуацијата со офанзивниот играч за врска на Милан, Брахим Дијаз. 23-годишниот фудбалер е на позајмица кај „росонерите“ од Реал Мадрид. Сепак, се појавија контрадикторни информации за договорот меѓу двата клуба, при што некои медиуми тврдат дека тој содржи откупна клаузула вредна 22 милиони евра, додека според други изданија таква клаузула нема. Во секој случај, јасно е дека Милан сака да го задржи овој играч, но нема да биде лесна задача.
Микел Артета го посакува Дијаз како летно засилчување на Арсенал и е подготвен да издвои 30 милиони евра за неговите права.
Дијаз има добра сезона во тимот на „росонерите“. Досега има шест гола и три асистенции на 32 натпревари во сите натпреварувања. Тој има договор со Реал Мадрид до 2025 година, но се чини дека тешко ќе се избори за стартно место на „Сантијаго Бернабеу“, па самиот играч претпочита да биде продаден на лето.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski