Англискиот премиерлигаш Арсенал ќе се обиде да ја спаси сезоната со ангажман на играчот за врска на Лион, Хусем Ауар. Менаџерот Микел Артета е под голем притисок поради слабите резултати, но тој се оправдува дека во составот моментно и нема креативен играч кој би можел да го подигне нивото на игра на „топчиите“.
Арсенал и во летниот преоден рок се обиде да го доведе Французинот на „Емирати“, но Лион бараше отштета од 60 милиони евра.
„Топчиите“ се очајни на резултатски план и Артета инсистира Французинот да биде доведен на почетокот од јануари.
