Арсенал со 5-0 го совлада ол-стар тимот на МЛС лигата во пријателски натпревар. Мечот се одигра на стадионот „Ауди Филд“ во Вашингтон.
Во петтата минута напаѓачот Габриел Жесус го отвори резултатот. Во средината на првото полувреме Леандро Тросар постигна втор гол, а веднаш по паузата играчот од средниот ред Жоргињо реализираше пенал.
Мартинели и Каи Хаверц постигнаа голови на крајот од натпреварот.
Арсенал во следниот пријателски натпревар ќе се соочи со Манчестер Јунајтед. Натпреварот е закажан за 23 јули.
