Арсенал е на прагот на историски рекорд во Лигата на шампионите пред гостувањето кај Атлетик Билбао во вторник вечер. „Топчиите“ можат да станат првиот тим во историјата на натпреварувањето кој остварил шест последовни победи против шпански противници.
Откако се вратија во Лигата на шампионите во 2023 година, тимот на Микел Артета бележи континуиран напредок – четвртфинале во 2024 и полуфинале минатата сезона, кога Пари Сен Жермен го прекина нивниот сон за финале. Сепак, Арсенал оваа година се смета за еден од фаворитите за титулата.
Лондончани на „Сан Мамеш“ доаѓаат по убедливата победа од 3-0 над Нотингем Форест во Премиер – лигата. Нивната победничка серија против шпански тимови вклучува триумфи над Севилја, Џирона и двојна победа над Реал Мадрид во четвртфиналето минатата сезона.
Единствената официјална пречка на патот до рекордот е Атлетик, кој Арсенал веќе го совлада со 3-0 на турнирот „Емирати куп“ летово, но двата тима сега ќе се соочат првпат во официјален натпревар.
