Арсенал без Томијасу најмалку еден месец

Дефанзивецот на Арсенал, Такехиро Томијасу, ќе пропушти долг период поради повреда на мускулот. Тоа го потврди менаџерот на „топчиите“ Микел Артета по вчерашната драматична победа над Лутон (3-4).

Јапонецот треба да паузира меѓу четири и шест недели.

„Имаше скенирање и вестите не се добри. Има повреда на потколеницата и ќе отсуствува извесно време“, изјави Артета.

25-годишниот Јапонец оваа сезона одигра 19 натпревари за Арсенал, постигна еден гол и забележа три асистенции.