Австрија е првиот ривал на фудбалската репрезентација на Македонија на Европското првенство и полека се фокусираме на противникот. Напаѓачот Марко Арнаутовиќ денеска имаше емотивна прес – конференција на која се расплака поради тешките мигови во Кина и одвоеноста од семејството.
„Сега сум среќен. Тука сум, во Австрија заедно со семејството. Верувајте, едвај издржував. Бев далеку. Бевме одвоени. Ги немав видено децата со месеци и поминав низ екстремно тежок период. Но, сега сум релаксиран и мотивиран. Тоа ми е дополнителен мотив. да ги направам среќни децата, но и целата нација со добрите настапи на Европското првенство“, изјави Арнаутовиќ и се расплака.
